.

         စက်မှုပူးပေါင်းဆောင်ရွက်ရေးဦးစီးဌာနအနေဖြင့် စက်မှုဝန်ကြီးဌာန၏ ရည်မှန်းချက်များ၊ မူဝါဒများကို ပြည့်မီအောင် အကောင်အထည်ဖော်ဆောင်ရွက်လျက်ရှိပြီး စက်မှုကဏ္ဍဖွံ့ဖြိုး တိုးတက် ရေးအတွက် ပြည်တွင်းပြည်ပနိုင်ငံတကာအဖွဲ့အစည်းများနှင့် ချိတ်ဆက်၍ အကူအညီ အထောက်အပံ့ ရရှိနိုင်ရေးဆောင်ရွက်ခြင်း၊ စွမ်းအင်အကျိုးရှိ ထိရောက်စွာ သုံးစွဲရေးနှင့် ခြိုးခြံချွေတာရေးဆိုင်ရာ မူဝါဒ၊ မဟာဗျူဟာနှင့် ရှေ့လုပ်ငန်းစဉ်များ ချမှတ်ခြင်းနှင့် အကောင်အထည်ဖော် ဆောင်ရွက်ခြင်း၊ စက်မှုလုပ်ငန်းများ ပိုမိုဖွံ့ဖြိုးတိုးတက်စေရန် စက်မှုလုပ်ငန်း မူဝါဒများ၊ ဥပဒေများ ချမှတ်နိုင်ရေးဆောင်ရွက်ခြင်း၊ စက်မှုဆိုင်ရာလူ့စွမ်းအားအရင်းအမြစ်များ ပေါ်ထွန်းလာစေရေးနှင့် သုတေသနနှင့်ဖွံ့ဖြိုးရေး လုပ်ငန်းစဉ်များ ဖွံ့ဖြိုးတိုးတက်စေရေးဆိုင်ရာ ကိစ္စရပ်များကို ဆောင်ရွက်လျက်ရှိပါသည်။ 

လုပ်ငန်းတာဝန်များ
အဓိကလုပ်ငန်းတာဝန်များမှာအောက်ပါအတိုင်းဖြစ်ပါသည်-     

    စက်မှုပူးပေါင်းဆောင်ရွက်ရေးဦးစီးဌာနကို ညွှန်ကြားရေးမှူးချုပ် ဦးဆောင်မှုဖြင့် ဒုတိယညွှန်ကြားရေးမှူးချူပ်(၂) ဦးနှင့် စက်မှုသင်တန်းကျောင်းများ အပါအဝင် အောက်ဖော်ပြပါ ဌာန (၁၀) ခုဖြင့် ဖွဲ့စည်းထားရှိပါသည် -
    (က)    စီမံရေးဌာန
    ( ခ)    စွမ်းအင်ခြိုးခြံချွေတာရေးဌာန
    ( ဂ)    စက်မှုဖွံ့ဖြိုးရေးဌာန
    (ဃ)    စာချုပ်စာတမ်းများစိစစ်ရေးဌာန
    ( င)    ထုတ်လုပ်မှုညှိနှိုင်းရေးဌာန    
    ( စ)    သင်တန်းကျောင်းများကြီးကြပ်ရေးဌာန    
    (ဆ)    နည်းပညာဖွံ့ဖြိုးရေးဌာန    
    ( ဇ)    နည်းပညာသုတေသနဌာန
    (ဈ)    ဘဏ္ဍာရေးဌာန    
    (ည)    အုပ်ချုပ်ရေးဌာန

    စက်မှုဝန်ကြီးဌာန၊ စက်မှုပူးပေါင်းဆောင်ရွက်ရေးဦးစီးဌာန ကြီးကြပ်မှုအောက်တွင် စွမ်းအင်ခြိုးခြံချွေတာရေးဌာနသည် ကဏ္ဍစုံ၌ စွမ်းအင်အကျိုးရှိ ထိရောက်စွာသုံးစွဲရေးလုပ်ငန်းများ (Energy Efficiency Activities) ကို ထိထိရောက်ရောက် ဦးဆောင် အကောင်အထည်ဖော်ဆောင်ရွက်နိုင်ရန် ရည်ရွယ်၍ ၂၀၁၄ ခုနှစ်၊ ဧပြီလ (၁) ရက်နေ့တွင် ပြည်ထောင်စုသမ္မတမြန်မာနိုင်ငံတော် ပြည်ထောင်စု အစိုးရအဖွဲ့ အမိန့်ကြော်ငြာစာအမှတ် (၃/၂၀၁၄) အရ ဖွဲ့စည်းထားသည့် မြန်မာနိုင်ငံဆိုင်ရာ Energy Efficiency Focal ဌာနတစ်ခုအဖြစ် စတင်ဖွဲ့စည်းခဲ့ပါသည်။ 

    အမျိုးသားအဆင့် စွမ်းအင်အကျိုးရှိထိရောက်စွာသုံးစွဲရေးနှင့်ထိန်းသိမ်းရေးမူဝါဒ (၂၀၁၆) ရည်မှန်းချက်များမှာ ၂၀၁၂ ခုနှစ် စွမ်းအင်သုံးစွဲမှုကို အခြေခံ၍ ၂၀၃၀ ပြည့်နှစ်တွင် (၂၀) % လျှော့ချ သွားရန် ဖြစ်ပါသည်။ မူဝါဒ၊ ရည်မှန်းချက်များ ပြည့်မီရေးအတွက် စွမ်းအင်အကျိုးရှိ ထိရောက်စွာ သုံးစွဲရေး လုပ်ငန်းများ (Energy Efficiency Activities) ကို စက်မှုကဏ္ဍ၊ အဆောက်အဦကဏ္ဍ၊ ပို့ဆောင်ရေးကဏ္ဍနှင့် စက်ပစ္စည်းကိရိယာများ စွမ်းအင်စွမ်းဆောင်ရည်သတ်မှတ်ရေးကဏ္ဍ စသည် ဖြင့် ကဏ္ဍစုံတွင် ဦးဆောင် အကောင်အထည်ဖော် ဆောင်ရွက်လျက်ရှိပါသည်။

စွမ်းအင်အကျိုးရှိထိရောက်စွာသုံးစွဲရေးဆိုင်ရာ ဆောင်ရွက်ချက်များ   
    မြန်မာနိုင်ငံတွင် စွမ်းအင်အကျိုးရှိထိရောက်စွာသုံးစွဲရေးဆိုင်ရာ ဥပဒေမူဘောင်တစ်ရပ် ပြဋ္ဌာန်းနိုင်ရေးအတွက် ဆောင်ရွက်လျက်ရှိရာ စွမ်းအင်အကျိုးရှိထိရောက်စွာ သုံးစွဲရေးနှင့် ထိန်းသိမ်းရေးဆိုင်ရာ ဥပဒေမူကြမ်းကို ဆက်စပ်ဝန်ကြီးဌာနများ၊ အဖွဲ့အစည်းများနှင့် ပူးပေါင်း၍ ရေးဆွဲပြုစုလျက်ရှိပါသည်။
    အိမ်သုံးလျှပ်စစ်ပစ္စည်းများနှင့် စက်ပစ္စည်းကိရိယာများအတွက် စွမ်းအင်စွမ်းဆောင်ရည် Minimum Energy Performance Standard (MEPS) သတ်မှတ်နိုင်ရန်နှင့် စွမ်းအင် အမှတ်တံဆိပ် (Energy Label) ကပ်နှိပ်နိုင်ရန် ရည်ရွယ်၍ အိမ်သုံးလျှပ်စစ်ပစ္စည်းများ မှတ်ပုံတင်ခြင်းစနစ် (Online Product Registration System) အား ၂၀၂၃ ခုနှစ်တွင် တည်ဆောက်ခဲ့ပြီး ဖြစ်ပါသည်။ 

ပုံ -  အိမ်သုံးလျှပ်စစ်ပစ္စည်းများ မှတ်ပုံတင်ခြင်း (Online Product Registration)ဆောင်ရွက်ရန် Login Page

စွမ်းအင်ခြိုးခြံချွေတာရေးဌာနဆိုင်ရာ အချက်အလက်များ    

    စက်မှုပူးပေါင်းဆောင်ရွက်ရေးဦးစီးဌာနအနေဖြင့် အခြေခံလူသားအရင်းအမြစ်တည်ဆောက်ရေး လုပ်ငန်းဆိုင်ရာများအား အောက်ပါအတိုင်း အကောင်အထည်ဖော်ဆောင်ရွက်လျက်ရှိပါသည်-

        စက်မှုပူးပေါင်းဆောင်ရွက်ရေးဦးစီးဌာန၏ သင်တန်းကျောင်းများကြီးကြပ်ရေးဌာနသည် နိုင်ငံတော်၏ စက်မှုကဏ္ဍ ဖွံ့ဖြိုးတိုးတက်ရေးအတွက် လိုအပ်သော ကျွမ်းကျင်လုပ်သားများ မွေးထုတ်ပေးရေးနှင့် လူ့စွမ်းအားအရင်းအမြစ်များ ဖွံ့ဖြိုးတိုးတက်စေရန် ပြည်တွင်း/ပြည်ပ အဖွဲ့အစည်းများနှင့် ဆက်သွယ်ပူးပေါင်း၍  အောက်ပါစက်မှုသင်တန်းကျောင်းများကို ဖွင့်လှစ်ကာ စက်မှုကျွမ်းကျင်သင်တန်းများ ပို့ချပေးလျက်ရှိပြီး တစ်နှစ်လျှင် သင်တန်းသား စုစုပေါင်း (၁၀၀၀)ခန့်ကို လေ့ကျင့်သင်ကြားပေးလျက်ရှိပါသည် -

မူလဓာတ်ခွဲခန်းတည်ဆောက်ခြင်း
    ဓာတုပစ္စည်းနှင့်ဆက်စပ်ပစ္စည်းများအန္တရာယ်မှ တားဆီးကာကွယ်ရေးဥပဒေအရ ဓာတုပစ္စည်းနှင့်ဆက်စပ်ပစ္စည်းများဆိုင်ရာ လုပ်ငန်းများ၌ အသုံးပြုမည့် ဓာတုပစ္စည်းနှင့်ဆက်စပ်ပစ္စည်းများနှင့် တင်သွင်း/တင်ပို့မည့် ဓာတုပစ္စည်းနှင့်ဆက်စပ်ပစ္စည်းများအား သတ်မှတ်ထားသည့် စံချိန်စံညွှန်းများနှင့် အရည်အသွေးကိုက်ညီမှုရှိ/မရှိ ဓာတ်ခွဲစစ်ဆေးနိုင်ရန်အတွက် မူလဓာတ်ခွဲခန်း တည်ဆောက်ခြင်းစီမံကိန်းအား အကောင်အထည်ဖော် ဆောင်ရွက်လျက်ရှိပါသည်။

အမှတ်(၂)စက်မှုသင်တန်းကျောင်း(မန္တလေး)အဆင့်မြှင့်တင်ရေးစီမံကိန်း
    တရုတ်ပြည်သူ့သမ္မတနိုင်ငံ၏ အထောက်အပံ့ဖြင့် အမှတ်(၂)စက်မှုသင်တန်းကျောင်း(မန္တလေး) အဆင့်မြှင့်တင်ရေးစီမံကိန်းကို အကောင်အထည်ဖော်ဆောင်ရွက်လျက်ရှိရာ တရုတ်ပညာရှင်များရောက်ရှိပြီး စီမံကိန်းလုပ်ငန်းများဖြစ်သော အလုပ်ရုံသစ်တည်ဆောက်ခြင်း၊ အလုပ်ရုံ(၃)ရုံ ၊ ကွန်ပျူတာခန်းနှင့် Theatre ခန်း ပြုပြင်မွမ်းမံခြင်းများ ဆောင်ရွက်လျက်ရှိပါသည်။

(၁) ဓာတုပစ္စည်းနှင့် ဆက်စပ်ပစ္စည်းများဆိုင်ရာ လုပ်ငန်းလိုင်စင်လျှောက်ထားရာတွင် လိုအပ်သည့်အချက်အလက်များကို ဖော်ပြပါ Link တွင်ကြည့်ရှုနိုင်ပါသည်။ http://www.industry.gov.mm/miscs/13

(၂) ဓာတုပစ္စည်းနှင့် ဆက်စပ်ပစ္စည်းများ ပြည်ပသို့တင်ပို့ခြင်းအတွက် ထောက်ခံချက် လျှောက်ထားရာတွင် လိုအပ်သည့်အချက်အလက်များကို ဖော်ပြပါ Link တွင်ကြည့်ရှုနိုင်ပါသည်။ http://www.moin.gov.mm/miscs/15

(၃) ဓာတုပစ္စည်းနှင့် ဆက်စပ်ပစ္စည်းများ ပြည်တွင်းသို့ တင်သွင်းခြင်းအတွက် ထောက်ခံချက်ရရှိရန် လျှောက်ထားရာတွင် လိုအပ်သည့် အချက်အလက်များကို ဖော်ပြပါ Link တွင် ကြည့်ရှုနိုင်ပါသည်။ http://www.industry.gov.mm/miscs/16

(၄) ဓာတုပစ္စည်းနှင့် ဆက်စပ်ပစ္စည်းများ နိုင်ငံတွင်းမှတစ်ဆင့်ဖြတ်သန်းကုန်သွယ်ခွင့်အတွက် ထောက်ခံချက်ရရှိရန် လျှောက်ထားရာတွင် လိုအပ်သည့် အချက်အလက်များကို ဖော်ပြပါ Link တွင် ကြည့်ရှုနိုင်ပါသည်။ https://industry.gov.mm/miscs/17

(၅) ဓာတုပစ္စည်းနှင့် ဆက်စပ်ပစ္စည်းများကို မှတ်ပုံတင်လက်မှတ် လျှောက်ထားရာတွင် လိုအပ်သည့် အချက်အလက်များကို ဖော်ပြပါ Link တွင် ကြည့်ရှုနိုင်ပါသည်။ https://industry.gov.mm/miscs/18

ဆက်သွယ်ရန်လိပ်စာ
ဌာနအမည်             -    စက်မှုပူးပေါင်းဆောင်ရွက်ရေးဦးစီးဌာန
ဖုန်းနံပါတ်              -    ၀၆၇-၃၄၀၅၁၇၆ ၊ ၀၆၇-၃၄၀၅၃၃၄
ဖက်စ်                    -    ၀၆၇-၃၄၀၅၀၅၂
အီးမေးလ်လိပ်စာ    -    dicmoi30@gmail.com, planningdic@gmail.com
လိပ်စာ                  -    ရုံးအမှတ် (၃၀)၊ စက်မှုဝန်ကြီးဌာန၊ ဇေယျဌာနီလမ်း၊ နေပြည်တော်