-

နောက်ခံသမိုင်း
    မြန်မာ့ဆေးဝါးလုပ်ငန်းသည် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာနရှိ နိုင်ငံပိုင်စီးပွားရေးလုပ်ငန်း(၄)ခုအနက် ဆေးဝါးထုတ်လုပ်မှုလုပ်ငန်းကို အဓိကဆောင်ရွက်နေသော လုပ်ငန်း(၁)ခုဖြစ်ပါသည်။ နိုင်ငံပိုင်ဆေးဝါး စက်ရုံများမှ ပြည်တွင်းလိုအပ်ချက်ရှိသော ဆေးဝါးအမျိုးအစားပေါင်း(၂၀၀)ကျော်ကို ထုတ်လုပ်ပေး လျက်ရှိပြီး စားသောက်ကုန်နှင့် အိမ်သုံးပစ္စည်းစက်ရုံများကိုလည်းပုဂ္ဂလိကနှင့် ငှားရမ်း/ဖက်စပ် ဆောင်ရွက်လျက်ရှိပါသည်။
    ဆေးဝါးနှင့်အိမ်သုံးပစ္စည်းလုပ်ငန်းကော်ပိုရေးရှင်းနှင့် စားသောက်ကုန်လုပ်ငန်း ကော်ပိုရေးရှင်း တို့ကို ၁၉၇၂ ခုနှစ် တွင်စတင် တည်ထောင်ခဲ့ပြီး ၁၉၈၉ ခုနှစ်နောက်ပိုင်းတွင် စျေးကွက်စီးပွားရေး စနစ်အရ မြန်မာ့ဆေးဝါးနှင့် အိမ်သုံးပစ္စည်းလုပ်ငန်း နှင့် မြန်မာ့စားသောက်ကုန်လုပ်ငန်းအမည်တို့ဖြင့် အသီးသီးဖွဲ့စည်းဆောင်ရွက်ခဲ့ပါသည်။
    (၁-၈-၂၀၁၀)ရက်နေ့တွင် မြန်မာ့ဆေးဝါးနှင့်အိမ်သုံးပစ္စည်းလုပ်ငန်းနှင့် မြန်မာ့စားသောက်ကုန်လုပ်ငန်းတို့ကို ပေါင်းစည်း၍ မြန်မာ့ဆေးဝါးနှင့်စားသောက်ကုန်လုပ်ငန်းအဖြစ် ပြင်ဆင်ဖွဲ့စည်းခဲ့ပါ သည်။ ထို့နောက် ၂၀၁၂ ခုနှစ်၊ ဧပြီလ (၄) ရက်နေ့မှစ၍ ဆေးဝါးနှင့် စားသောက်ကုန်လုပ်ငန်းဟု အမည်ပြောင်းလဲခဲ့ပြီး ဆေးဝါးစက်ရုံများသာ နိုင်ငံပိုင်စီးပွားရေးလုပ်ငန်းများအဖြစ် အဓိကကျန်ရှိခြင်းကြောင့် ၂၀၁၅ ခုနှစ် မတ်လ ၂၆ ရက်နေ့တွင် မြန်မာ့ ဆေးဝါးလုပ်ငန်းအဖြစ် ယနေ့တိုင် ဆောင်ရွက်လျက်ရှိပါသည်။

ရည်ရွယ်ချက်
မြန်မာ့ဆေးဝါးလုပ်ငန်းအား အောက်ဖေါ်ပြပါ ရည်ရွယ်ချက်များဖြင့် ဖွဲ့စည်း တည်ထောင်ခဲ့ခြင်း ဖြစ်ပါ သည်-
    (က)    ပြည်သူလူထုကျန်းမာရေး စောင့်ရှောက်မှုအတွက် မရှိမဖြစ် လိုအပ်သော ဆေးဝါးများ ထုတ်လုပ်ရန်၊
    (ခ )    ပြည်တွင်းဆေးဝါးထုတ်လုပ်မှုနည်းပညာ ဖွံ့ဖြိုးတိုးတက်စေရန်၊
    (ဂ)    ပုဂ္ဂလိက ဆေးဝါးထုတ်လုပ်မှုကဏ္ဍဖွံ့ဖြိုးရေး မြှင့်တင်ရန်၊

Public Private Partnership (PPP)
PPP စနစ်ဖြင့် လက်ရှိဆောင်ရွက်နေမှုများ
    (က)    ဆေးဝါးစက်ရုံ(အင်းစိန်)
         (၁)    ဓါတ်ဆားထုတ်လုပ်မှု (ထုပ်ရေ  ၁၀  သန်း/နှစ်)
         (၂)    Spur Capsule ထုတ်လုပ်မှု (3’s Blister Card ၂.၅ သိန်း / နှစ်)
    (ခ)    ဆေးဝါးစက်ရုံ(အင်ရောင်း)
         (၁)    Povidine Antiseptic Solution (အနာကျက်ဆေးရည်) (15ml ဘူး ၁၀ သိန်း/နှစ်၊ 500ml ဘူး ၁သိန်း/နှစ်)
PPP စနစ်ဖြင့် ဆက်လက်ဆောင်ရွက်မည့်လုပ်ငန်းများ
    ဆေးဝါးစက်ရုံ(အင်းစိန်)
        (၁)    ဆေးပြား၊ဆေးတောင့်ထုတ်လုပ်မှု Plant (လိုင်းဟောင်း) ( ဆေးပြား၊ဆေးတောင့် ၆၀၀ သန်း/နှစ်)
        (၂)    သွေးကြောသွင်းဆေးရည်ထုတ်လုပ်မှု Plant (လိုင်းဟောင်း) (သွေးကြောသွင်းဆေးရည်ဘူး ၂ သန်း/နှစ်)
        (၃)    ပလတ်စတစ်ဆေးဘူးထုတ်လုပ်မှု Plant 
        (၄)    ပွေးတောင်စိုက်ကွင်း (ပြင်ဦးလွင်)
        (၅)    ပွဲကောက်စိုက်ကွင်း (ပြင်ဦးလွင်)
    မြင်းနှင့်သိုးမွေးမြူရေးစခန်း(ဟဲဟိုး)
        (၁)    ရုံးဝင်းကွက် နှင့်စိုက်ကွက် (၂)