အမှတ် (၂) အကြီးစားစက်မှုလုပ်ငန်း
မီးခံအုတ်ထုတ်လုပ်ရေးဌာန (စော်ဘွားကြီးကုန်း) အား
ပုဂ္ဂလိကကုမ္ပဏီနှင့် အကျိုးတူပူးပေါင်းဆောင်ရွက်နိုင်ရေးအတွက်
တင်ဒါခေါ်ယူခြင်း
စက်မှုဝန်ကြီးဌာန၊ အမှတ် (၂) အကြီးစားစက်မှုလုပ်ငန်းကြီးကြပ်မှုအောက်ရှိ မီးခံအုတ်ထုတ်လုပ်ရေးဌာန (စော်ဘွားကြီးကုန်း)သည် ရန်ကုန်တိုင်းဒေသကြီး၊ အင်းစိန်မြို့နယ်၊ စော်ဘွားကြီးကုန်းရပ်ကွက်၊ ရန်ကုန်-အင်းစိန် လမ်းမကြီးအနီးတွင် တည်ရှိပါသည်။ ရန်ကုန်မြို့၏ အချက်အချာကျသောနေရာတွင် တည်ရှိသော စက်ရုံဖြစ်ပြီး၊ ပြည်တွင်းပြည်ပ ပုဂ္ဂလိကလုပ်ငန်းရှင်များနှင့် အကျိုးတူပူးပေါင်း ဆောင်ရွက်သွားရန် အစီအစဉ်ရှိပါသည်။
တင်ဒါတင်သွင်းလိုသည့် ကုမ္ပဏီများသည် တင်ဒါအဆိုပြုလွှာပုံစံအား စက်မှုဝန်ကြီးဌာန၊ အမှတ်(၂)အကြီးစားစက်မှုလုပ်ငန်း၊ နည်းပညာဖွံ့ဖြိုးရေးဌာန၊ ရုံးအမှတ်(၄၁)၊ နေပြည်တော်သို့ လိပ်မူလျက် ၂၀၂၄ ခုနှစ်၊ ဇွန် လ၊ (၂၅) ရက်နေ့ (၁၅:၀၀) နာရီ အရောက် ပေးပို့ရမည်ဖြစ်ပါသည်။ တင်ဒါအဆိုပြုလွှာပုံစံ၊ တင်ဒါစည်းကမ်းချက်များနှင့် အခြားသက်ဆိုင်သည့် စာရွက်စာတမ်းများအား မိမိတို့၏ ကုမ္ပဏီဆိုင်ရာအထောက်အထားများ ယူဆောင်ပြသလျက် အထက်ပါလိပ်စာတွင် (၂၄.၅.၂၀၂၄) ရက်နေ့မှစ၍ လာရောက်ထုတ်ယူနိုင်ပါသည်။ အသေးစိတ်သိရှိလိုပါက ဖုန်း- ၀၆၇-၃၄၀၈၆၇၈ ၊ ၀၆၇-၃၄၀၈၆၇၉ သို့ ရုံးချိန်အတွင်း ဆက်သွယ်မေးမြန်းနိုင်ပါသည်။